Viaxe no tempo é a conexión entre a historia dos concellos de Ribadeo e Barreiros recollida en cada un dos documentos que conteñen os seus arquivos, a súa memoria viva e visible capturada a través das imaxes que nos ceden os habitantes destos dous municipios e da súa voz, tan importante para poder estructurar o relato oral das súas vidas, que, en definitiva, conforman o patrimonio inmaterial de ámbolos dous territorios.

Para a elaboración deste proxecto agradécese a colaboración de Vicepresidencia da Deputación de Lugo a través da Rede Museística Provincial de Lugo, como apoio fundamental para a promoción e difusión a nivel comarcal primeiro e provincial en segundo termo.

Viaxe no Tempo é un pequeño proxecto moi local, que pretende amosar a forma de vida de dous municipios limítrofes e moi diferentes, dunha rexión que aínda se está a abrir para amosar os seus atractivos, a súa xente, a súa idiosincrasia. O traballo das alumnas/traballadoras do Programa de Emprego para as Persoas Mozas pretende poñer en valor e difundir a forma de vida nestes dous concellos, vencellándoa aos documentos existentes nos arquivos, recuperándoos e sacándoos á luz para acompañar aos testimonios da historia de Barreiros e Ribadeo.

O Concello de Ribadeo custodia un Libro de Emigración recollido ao longo deste ano 2021. Foi atopado no lixo tras o proceso de traslado do Arquivo Municipal de Ribadeo e doado, formando de novo parte da documentación histórica do Concello de Ribadeo.

Recolle os datos de xente do concello de Ribadeo e os seus lugares de destino. Para esta exposición recopilamos neste vídeo cada unha desas persoas recollidas que marcharon por motivos moi diferentes e os diferentes países a onde partían.